Mga Magtatampo sa Payag Habagatan Espesyal nga Isyu sa Kontemporaryong Pilipinhong Pamalak

Announcements by The Editors |

 

Malipayong ipahibawo sa dinapit nga mga editor nga silang Cindy Velasquez ug Ton Daposala ang lista sa mga magtatampo sa Payag Habagatan Espesyal nga Isyu sa Kontemporaryong Pilipinhong Pamalak. Ang mga magtatampo kay sagad sumusubang o batan-ong mga magbabalak nga naggikan ug/o natawo sa rehiyon kon diin gigamit ang Binisaya, o kon diin nasubay nila ilang etnikong punoan sa habagatang bahin sa nasod.

Ang mga magtatampo kay silang: Jondy M Arpilleda (Surigao del Sur), Jan Vernix Atis (Davao), John Carlo Patriana Beronio (Cagayan de Oro), CD Borden (Cebu), Wilfreda Cabusas (Cebu), Mechelle Centurias (Cebu), Richellet Chan (Cebu), Jefferson Del Rosario (Cebu), Adeva Esparrago (Cagayan de Oro), Ma. Salve Falcone, Jovanie Garay (Davao), Jin Garciano (Cebu), PG Gumanao (Kidapawan), Ray Amiel Jumao-as (Cebu), Maria Theresa Lanit (Cebu), Edeliza Velasco Macalandag (Bohol), Jae Mari Magdadaro (Cebu), Errol Merquita (Davao), Delfin Mundala Jr. (Iligan), Gil Nambatac (Iligan), Adela Orozco (Cebu), Jet Paclar (Cagayan de Oro), Summer Paguia (Cagayan de Oro), Jesum Pitogo (Cebu), Elvin Ruiz (Cebu), Mai Santillan (Cagayan de Oro), Mark Carlo Seno (Cebu), Gratian Paul Tidor (Dipolog), Erik Tuban (Cebu), Alixamae Visaya (Cagayan de Oro) ug Raymond Ardiente Ybañez (Cagayan de Oro)

Kini nga isyu, ang una sa mga gender/genre-specific nga espesyal nga imprintang isyu sa Payag Habagatan nagsugod sa mga pangutana ug interogasyon sa pamalak atubang sa ikakawhaag usa nga siglo sa Katitikang Pilipinhon sa Binisaya ug ang suliran sa dominanteng estetika, estilo, ug porma sa balak nga ginama sa batan-ong mga magsusulat ug sa napatik sa lokal nga mga bantawan (local platforms). Ang mga editor interesado sa mga balak nga mohibalag sa bag-ong mga asdang, mitumpag sa mga babag, ug mipusgay sa bag-o kun, sa mga pulong pa ni Resil B Mojares, “netibong yuta diin nagbarog ang magbabalak”, ug sa taas nga mga siglo sa tradisyon sa pamalak. Ug labawng mahinungdanon, ang pagpangitag mga balak nga nagtanyag sa kaugmaon niining maong genre— bag-o, matuboon, mabaldahon, ug way kalisang sa pagsulaysulay.

Kining espesyal nga isyu mapatik sa Enero 2019 sa lokal nga indie press PAWN. Ang mga eskedyul ug benyu sa mga lusad apil na sa diskusyon mahitungod sa kontemporaryong Pilipinhong pamalak kay i-anunsiyo puhon. Sa mga dugang nga pangutana, ipadala inyong mensahe sa payaghabagatan@gmail.com o sa opisyal Facebook page, facebook.com/payaghabagatan.

Alton Melvar Dapanas
R Joseph Dazo
Mga editor

Newsletter Subscription

I want to be updated with the latest news from Payag Habagatan.

Topics: Contemporary Philippine Poetry in Binisaya, Payag Habagatan Special Issue

Leave a Reply

Your email address will not be published. Required fields are marked *