Nonstop

Fiction by Mubarak M Tahir |

Samtang naglingkod ko sa nonstop bus gahapon, adunay koy namatikdan nga buot untang mosakay. Usa ka tiguwang nga lalaki. Hugaw iyang sinina, gisi-gisi na gani. Iyang tiil, lapokon kaayo. 

“Sir, pila plete pa-Dabaw? Gusto nako mouli sa akong mga anak,” sa tiguwang nga gakangakanga tungod sa katugnaw. 

“Ay! Wala nay bakante diri. Sa pikas na lang!” tubag sa dispatser nga may kalagot. 

Milakaw ug wa kasakay ang tiguwang. Miduko na lang siya nga daw nahutdan nas paglaom. Pila ka oras ang milabay, mibiya na ang bus. Kada lingi nakos luyohang bahin sa bus kay motulo man gyod akong mga luha. Napulo ra mi nga nakasakay. Daghang bakante nga lingkoranan. Luag kaayo. 

Newsletter Subscription

I want to be updated with the latest news from Payag Habagatan.

Published by

Mubarak M Tahir

Si Mubarak M Tahir kay natawo sa Kitago, Datu Piang, Maguindanao ug karon anaa na nagpuyo sa Dakbayan sa Davao. Nahuman niya ang kurso nga Bachelor of Arts in Filipino Language sa Mindanao State University - Marawi City. Iyang libro nakadaog sa ganti nga Best English Anthology sa National Book Development Book Awards niadtong 2015. Nakadaog sad kini sa ganti nga Best English Literature and Best Book Cover/Design Category sa Golden Book Awards niadtong 2016. Iyang gumalaysay nga “Aden Bon Besen Uyag-yag: May Buhay Pa Pala” nakadaog sa ikatulong ganti sa 67th Carlos Palanca Memorial Awards for Literature. Usa sad siya ka writing fellow sa 2017 Davao Writers Workshop, 11th Palihang Rogelio Sicat ug 25th Iligan National Writers Workshop. Kontribyutor sa Bulawan Literary Journal of Northern Mindanao, Cotabato Literary Journal, ALPAS Journal, Dagmay Journal ug Philipine Graphics.

Leave a Reply

Your email address will not be published. Required fields are marked *